Tifozët po paguajnë deri në 80 mijë euro për biletë, ndërsa Federer mund të mos e luajë ndeshjen lamutmirëse

Tenisti legjendar zviceran, Roger Federer, fundjavën e ardhshme duhet të luajë ndeshjen e fundit në karrierë, por nëse ia lejon lëndimi.

41-vjeçari njoftoi zyrtarisht se po i jep fund karrierës së tij madhështore në tenis pak ditë më parë. Për turneun e fundit ai zgjodhi Laver Cup në Londër, i cili luhet në fundjavë, por tashmë kanë dalë informacione se performanca e tij është e dyshimtë.

Një nga tenistët më të mëdhenj të të gjitha kohërave iu është nënshtruar tri operacioneve në gju dhe ka luajtur ndeshjen e tij të fundit në Wimbledon vitin e kaluar. Dukej se dëmtimi ishte pas tij, por pak para paraqitjes në Laver Cup, dhimbja iu rikthye.

View this post on Instagram

A post shared by Tennis TV (@tennistv)

Se gjërat janë serioze e vërtetoi edhe fakti se për lëndimin ka folur edhe njeriu që është më i informuari për shëndetin e Federerit, e ai është trajneri i tij personal, Pierre Paganini.

Lexo po ashtu Roger Federer i jep fund karrierës së bujshme në tenis

“Ai do të vendosë në momentin e fundit nëse mund të luajë”, është shprehur shkurt Paganini për Blick.

Në një deklaratë emocionuese, Federer tha se trupi i tij nuk e lejon ta vazhdojë më karrierën.

View this post on Instagram

A post shared by Roger Federer (@rogerfederer)

Në ndërkohë, në faqet e specializuara për shitjen e biletave për ngjarjet sportive u shfaqën informacione se biletat për ndeshjen e fundit të Federerit shkonin deri në 80.000 euro.

Këto janë bileta për ulëse elitare në kutitë ceremoniale, ku duan të ulen të gjithë ata që janë të njohur në botën e sportit dhe argëtimit. /Telegrafi/