Tifozet e Man Utd planifikojnë protesta për të bërë të qartë se nuk duan që Greenwood të kthehet

Një grup tifozësh femra të Manchester Unitedit po planifikojnë një sërë protestash kundër ri-integrimit të mundshëm të Mason Greenwood në skuadrën e parë.

Sulmuesi 21-vjeçar mbetet i suspenduar nga klubi i Ligës Premier dhe nuk është stërvitur me ekipin e parë, ose nuk ka qenë i disponueshëm për të luajtur, që kur u arrestua për herë të parë në janar të vitit 2022.

Të gjitha akuzat kundër tij u hoqën në fillim të shkurtit pasi dëshmitarët kryesorë tërhoqën përfshirjen e tyre në këtë rast dhe materiale të reja dolën në dritë gjatë hetimit policor.

Greenwood ishte akuzuar për tentativë përdhunimi, përfshirje në sjellje kontrolluese dhe shtrënguese dhe sulm.

Lexo po ashtu Bien akuzat kundër Mason Greenwood, sulmuesi i Man Utd shpallet i pafajshëm

Një vendim nëse Greenwood do të luajë për Manchester United këtë sezon pritet të merret shumë shpejt pas një hetimi të brendshëm për sjelljen e tij.

Ndërkohë, një numër protestuesish, të cilët janë shikues të rregullt të ndeshjeve, do të bëjnë zërin e tyre të dëgjohet të hënën përpara ndeshjes hapëse të sezonit kundër Wolves.

Ata synojnë të mblidhen te statuja “Holy Trinity” jashtë Old Trafford para fillimit dhe do të mbajnë një pankartë që lexon: “Tifozet-femra nuk kërkojnë kthim nga Greenëood – Fundi i dhunës kundër grave”.

Our statement in full. pic.twitter.com/4oBjirfAEa

— Female Fans Against Greenwood’s Return (@FFAGR2023) August 11, 2023

Në një deklaratë në faqen e tyre në Twitter, grupi ‘tifozet femra kundër rikthimit të Greenwood’, gjithashtu i bëri të qarta ndjenjat e tyre për situatën.

“Një gjë për të cilën kam qenë vërtet krenare është se sa e bashkuar ka qenë baza e tifozëve të ndeshjeve për këtë çështje”.

“Ka potencialisht pak ndarje me bazën e fansave në internet, të cilët kanë qenë më mbështetës për Greenwood. Por duket se ka një unitet të vërtetë mes tifozëve që shkojnë në ndeshje. Natyra e audios do të thotë që njerëzit janë vërtet të bashkuar për të qenë të indinjuar dhe të neveritur prej tij”, thuhet në deklaratë. /Telegrafi/