Tifozët e futbollit që shpresojnë që kombëtarja e tyre të humbasë dhe të mos shkojë në Kampionatin Botëror të Katarit shkaku i një konflikti të brendshëm

Kupa e Kombeve Afrikane (AFCON) herën e fundit u mbajt në Kamerun, ku tregoi dashurinë e njerëzve të këtij vendi për futbollin, por kur tani kombëtarja e këtij vendi po përgatitet për play-offin e Kupës së Botës, jo të gjithë kamerunasit duan që skuadra të arrijë në Katar.

Është një refren i zakonshëm që sporti dhe politika nuk duhet të përzihen, por kur bëhet fjalë për futbollin në Kamerun, ato janë të lidhura pazgjidhshmërisht.

Konflikti pesë-vjeçar që ka vënë përballë separatistët anglofonë kundër qeverisë, ka depërtuar edhe në fushën e futbollit.

Kur Egjipti mundi Kamerunin në gjysmëfinalen e AFCON, pjesa më e madhe e vendit ishte në zi, por Bamenda, qendra e mospajtimit në rajonet anglishtfolëse, shpërtheu në festë. Shumica e atyre që festonin humbjen e Kamerunit e bënë në shtëpitë e tyre, por zërat mund të dëgjoheshin në të gjithë qytetin.

Bilbila, brohoritje dhe madje edhe marifetet me motoçikleta në periferi të Bambili pasqyruan ndjenjën se shumë kamerunas të jugut nuk janë me “Luanët e Paepur”, siç njihet kombëtarja.

Ndër ata që festuan humbjen në AFCON ishte Dr. Ngwa Ebogo, kirurg dhe urolog.

Ai njihte si tifoz i pasionuar i futbollit dhe është i vetëdijshëm për rolin që luan sporti në politikën e vendit dhe ndikimin që ka në jetën e pacientëve të tij.

“Ky vend ka një tendencë për të përdorur futbollin për të fshirë çështjet e ndezura. Ata priren të investojnë më shumë para në futboll sepse e dinë se futbolli është një faktor unifikues”, deklaroi ai.

Për të treguar se zemërimi në Bamenda nuk ishte i njëjtë më herët, duhet të kthehemi në vitin 1998 kur disa banorët e këtij vendi i vunë zjarrin zyrave të furnizuesit kombëtar të energjisë të Kamerunit për protestë, pasi energjia u ndal përpara se “Luanët e Paepur” të luanin kundër Austrisë në Kupën e Botës të atij viti.

Në atë kohë, lëvizja separatiste e Kamerunit ishte e fshehtë dhe përkrahej vetëm nga disa nëpunës civilë rebelë.

Dr Ebogo e mbështeti Kamerunin deri në vitin 2016 kur filloi kriza e Kamerunit jugor. Ai tani beson se fitoret sportive të Kamerunit luajnë rol në strategjinë e qeverisë për të larguar vëmendjen nga problemet reale.

“Edhe nëse luftoni dhe “Luanët e Paepur” fitojnë, njerëzit harrojnë atë për të cilën po luftojnë. Ata e kanë bërë këtë sistematikisht për shumë vite. Çdo fitore që sjellin “Luanët e Paepur” në shtëpi, rrit mjerimin e njerëzve”, ka thënë ai.

Ekipi i futbollit luan një rol të madh në imazhin e kujdesshëm të presidentit 89-vjeçar, Paul Biya, i cili është në vitin e tij të 40-të në pushtet.

Presidenti i Kamerunit, Paul Biya dhe gruaja e tij Chantal Biya morën pjesë në ceremoninë e mbylljes së Kupës së Kombeve të Afrikës 2021, përpara ndeshjes finale midis Egjiptit dhe Senegalit në “Stade d’Olembe në Yaounde” të Kamerunit më 06 shkurt 2022.

“Shumica e kamerunasve mendojnë se kur Luanët e Paepur fitojnë është për shkak të tij”.

“Luanët e Paepur fitojnë një trofe, ndërsa njerëzit dërgojnë mbështetjeje për presidentin e republikës”, tregon Dr Ebogo.

Në epokën koloniale, Kameruni u shkatërrua nga francezët dhe britanikët, gjë që la një ndarje gjuhësore dhe kulturore.

Për dekada pas pavarësisë, anglishtfolësit u ankuan se ishin të margjinalizuar, me fuqinë politike dhe ekonomike të përqendruar në duart e shumicës frëngjishtfolëse.

Kjo tani ka shpërthyer në revoltë të hapur dhe ata bëjnë thirrje për pavarësi për rajonin anglishtfolës.

“Kushdo përveç Kamerunit”

Viktima e parë e luftës ishte kombëtarja e femrave. Si mikpritëse e AFCON për femra në vitin 2016, Kameruni pritej të sfidonin Nigerinë për trofeun.

Kur turneu filloi më 19 nëntor, shumica e bareve në Bamenda ishin plot me tifozë që brohoritnin për “Luaneshat e paepur”.

Por më 3 dhjetor, ditën e finales, kjo gjendje shpirtërore u zëvendësua nga apatia dhe kundërshtimi i drejtpërdrejtë pasi situata u përkeqësua. U deshën vetëm dy javë për të shkatërruar dekada të mbështetjes jugore të Kamerunit.

Shumica e kamerunasve jugorë nuk e përkrahën turneun kontinental të këtij viti. Për shumë njerëz, vlente motot: “Kushdo përveç Kamerunit” – tregon Dr Ebogo.

“Në Bamenda nuk kishte asgjë që njihet si ethet e Kupës së Kombeve. Ata madje ofruan të transportonin njerëzit në Bafoussam dhe askush nuk lëvizi”, tregon ai.

Por jo të gjithë janë dakord me këtë politikë të këtij vendi.

Për Smith Mbua, një profesionist i burimeve njerëzore, pasioni i tij për lojën mbizotëron politikën. Ai udhëtoi në Yaoundé për të parë Kamerunin duke luajtur Burkina Fasos dhe Etiopisë.

“Futbolli nuk duhet të ketë lidhje me politikën. Ne do t’i zgjidhim problemet tona në një mënyrë ose në një tjetër, por ai nuk duhet t’i privojë njerëzit nga gjërat që i bëjnë ata të lumtur”, ka thënë ai.

Ai është më i sinqertë për nivelin e mbështetjes midis kamerunëve jugorë. “Unë guxoj të them se 60% e anglofonëve mbështetën ekipin kombëtar në AFCON. Njerëzit janë të zemëruar, por mendoj se thellë në zemrat tona ne ende e duam vendin tonë”, deklaroi ai.

Në anën tjetër, Dr Ebogo mendon se edhe emërimi i heroit kombëtar të futbollit Samuel Eto’o në krye të federatës së futbollit të Kamerunit nuk mjafton për të bindur banorët e Bamendas që të mbështesin ekipin kombëtar.

Ai thotë se do të jetë shumë e vështirë që njerëzit t’i duan Luanët e Paepur siç i kanë dashur në vitin 1990, ndërsa lutet që Kameruni të humb ndaj Algjerisë për një vend në Kupën e Botës. /Telegrafi/