Thuram festoi si Lukaku, por Lautaro ia ndalon një gjë të tillë: Mos e bëj më këtë

Interi ka marrë një fitore të madhe teksa ka mposhtur Fiorentinën me rezultat të thellë 4-0.

Transferimi i ri i Interit, sulmuesi francez Marcus Thuram ka gjetur golin e parë me Neroazzurët në këtë sfidë, teksa edhe kapiteni Lautaro Martinez shkëlqeu me dy gola të tjerë.

Megjithatë një gjë interesante ndodhi në momentin që Lautaro realizoi golin e tij, ku Marcus Thuram filloi të festonte në një mënyrë të veçantë, që e bënte Lautaro më parë.

Thuram festoi njësoj si Lautaro që e bënte me Lukakun, por ai nuk e mori përgjigjen e pritur nga ylli argjentinas.

Kapiteni i Interit ia bëri me gisht francezit që mos ta bënte më një festim të tillë dhe ai për DAZN më vonë tregoi arsyen.

“A e imitoi Thuram festën me Lukakun? Nuk festoj më kështu”, tha fillimisht Lautaro me gazetarët që vazhduan t’i bëjnë pyetje për Lukakun.

Jajaja, Lautaro negándole la famosa celebración, que solía hacer con Lukaku, hoy a Marcos Thuram. 😅🇦🇷pic.twitter.com/PfyDbD4QVg

— Ataque Futbolero (@AtaqueFutbolero) September 4, 2023

“Pse nuk e ndiqni Lukakun më në Instagram? Thuram është një lojtar i madh, ashtu si Arnautovic dhe Alexis. Jam i lumtur që luaj me ta. A shmangni përgjigjes në pyetjen kryesore? Po (qesh)”, deklaroi kapiteni i Interit.

Inter është në krye të tabelës së bashku me Milanin me nëntë pikë të grumbulluara pas tre ndeshjeve. /Telegrafi/