Theo Hernandez: Unë dhe Achraf Hakimi bëmë mirë që u larguam nga Real Madridi

Theo Hernandez po e shijon jetën me AC Milanin, pasi kaloi nga “Santiago Bernabeu” në “San Siro” dhe tani po luan rregullisht, ndërsa është shumë i rëndësishëm për skuadrën e Stefano Pioli këtë sezon.

Ai ka spikatur në ofensive për skuadrën italiane dhe ka kontribuar me pesë gola.

Hernandez beson fuqimisht se ai mori vendimin e duhur për t’u larguar nga Madridi, ndërsa njëjtë mendon edhe për Achraf Hakimin.

“Unë dhe Achraf nuk po luanim shumë në Madrid dhe gjëja më e mirë për ne ishte të largoheshim”.

“Nëse ishim aty dhe nuk luanim, nuk je i lumtur dhe nuk i keni mundësitë që dëshironi”.

“Ne bëmë më të mirën dhe tani jemi në Milano”, ka thënë ai në një intervistë për DAZN.

Të dielën dyshja do të ribashkohen në Derbin e Milanos në Serie A .

“Achraf është një lojtar i jashtëzakonshëm, ka talent, shpejtësi dhe cilësi. Ne jemi mjaft të ngjashëm”, ka thënë Hernandez për shokun e tij të vjetër.

“Unë e njoh atë personalisht dhe kemi kaluar shumë kohë së bashku. Ai është një djalë i shkëlqyeshëm dhe një mik i mirë i imi”, ka thënë Theo i cili shtoi se në fushë janë armiq po pas ndeshje miq shumë të mirë.

Theo shpreson gjithashtu që Kombëtarja e Francës t’i bëjë ftesë, pasi ndjehet francez edhe pse është rritur në Spanjë.  /Telegrafi/