Tentuan ta paraqesin si sulm brenda territorit rus, dështon keq Kremlini – analistët perëndimorë tregojnë çfarë nuk është në rregull me imazhet e publikuara

Ministria ruse e Mbrojtjes ka publikuar fotografitë e asaj që ata pretendojnë të jenë veturat ushtarake perëndimore, të braktisura dhe që përdoren nga ukrainasit.

Bëhet fjalë për veturat ushtarak të prodhimit amerikan Humvee, me të cilat tentuan t’ju hedhin hi sy botës, duke pretenduar se kinse me ato mjete grupi i vullnetarëve rusë të mbështetur nga ukrainasit u futën në territorin rus – konkretisht në Belgorod, transmeton Telegrafi.

Megjithatë ekspertët perëndimorë këto fotografi, i shohin si një skenar që nuk u mendua ‘mirë’ nga Kremlini dhe shërbimet sekrete ruse.

Lexo po ashtu Prigozhin: Jemi në një gjendje të tillë që mund ta humbim Rusinë

Mjetet ushtarake shihen kinse në gropa të hapura nga artileria, por ajo çfarë nuk e kishin menduar mirë rusët janë pozicioni i tyre.

Në fillim njëri mjet kishte përfunduar në gropë me vetëm një gomë, e tjerat kishin mbetur mbi sipërfaqen e tokës. Madje terreni ishte i mbushur me baltë, kurse në rrota nuk vërehet as edhe një njollë balte.

Lexo po ashtu Inteligjenca britanike: Ushtria ruse assesi të disiplinojë pjesëtarët e saj – mbi një mijë raste të regjistruara në gjykatat ushtarake

Në fotografinë tjetër, Humvee shihet me “hundë” në gropë, por që “hunda” nuk ishte bërë fare baltë dhe dukej sapo kishte dalë nga ndonjë autolarje.

Sky News ka arritur të analizojë imazhet në pikën e kontrollit në Belgorod, dhe konfirmoi se ato imazhe nuk figuronin fare në filmimet e realizuar me dron e as dy veturat ushtarake amerikane. /Telegrafi/

3) So this humvee slammed into the trench wall head on but no soil was pushed ahead of it. Which you would have even if it hit at 10MPH. It’s a heavy vehicle. It’s going to displace soil on impact. This vehicle was placed there off a flatbed. Next⬇️ pic.twitter.com/mrdkkF5xC9

— Jack’s 🇺🇦House of The Way (@FluteMagician) May 24, 2023