Telefoni juaj Android së shpejti mund të lexojë kodet QR edhe nga një largësi më e madhe

Së shpejti mund të mos keni aq shumë vështirësi për të lexuar kodet QR nga më larg përmes telefonit tuaj Android. Google po punon për një skaner kodi të ri që zbulon automatikisht një kod QR në kornizën e kamerës, zmadhon dhe lexon atë.

Funksioni nuk është ende i hapur drejt pajisjeve – por është në API-të më të fundit të cilat Google po i vë në dispozicion të zhvilluesve.

Në mënyrë të veçantë, është API i skanerit të kodit të Google që është përditësuar me aftësinë e re. Ai funksionon në aplikacionin e sistemit të skanerit të kodit QR të Google, por mund të zbatohet edhe në aplikacione të tjera, raporton The Verge, transmeton Telegrafi.

Nëse zhvilluesit zbatojnë API-në e skanerit të kodit, përdoruesit nuk do të duhet të japin leje për kamerën – duke u kursyer kohë zhvilluesve duke mos pasur nevojë të ndërtojnë një përvojë të personalizuar.

API përdor mësimin e makinerive të Google në pajisje për të interpretuar kodet QR dhe nxjerr vetëm një objekt Barkodi në aplikacion për të ruajtur privatësinë për përdoruesit.

Siç theksohet edhe nga eksperti i Android, Mishaal Rahman, funksioni i ri i zmadhimit automatik është në dispozicion në versionin 17.2.0 të pakos së re të ML Kit të skanimit të barkodit API, i cili mund të ndërtohet në aplikacione. /Telegrafi/