Të gjithë në përkrahje të Prishtinës, me fitore arrin suksesin më të madh në histori të basketbollit

Z Mobile Prishtina është vetëm një fitore larg nga kualifikimi në fazën e eliminimit direkt të FIBA Eurpe Cup, që do të shënonte suksesin më të madh në histori të basketbollit shqiptar.

E gjithë historia e basketbollit shqiptar do të jetë e gatshme të rishkruhet në Pallatin e Rinisë dhe të Sporteve nga ora 19:00.

Z Mobile Prishtina pasi FIBA ka ndryshuar rregullin e kualifikimit dhe mundëson që ekipi i tretë në grup të kualifikohet tutje në fazën e eliminimit direkt, i ka mundësuar klubit kryeqytetas që me një fitore në sfidën e fundit që zhvillohet sot (e mërkurë).

Kundërshtar është skuadra me traditë të madhe, Pinar Karsiyaka, me të cilën Prishtina ka pasur gjithmonë probleme duke parë cilësinë e skuadrës nga kampionati turk.

Prishtina e ka opsion të vetëm fitoren dhe pret shuëm nga superyllij, Dardan Berisha, që si basketbollisti më i mirë shqiptar i të gjitha kohërave të shkëlqejë dhe të shkruajë historinë.

Berisha realizoi 31 pikë në ndeshjen e fundit bashkë me tetë asistime duke hyrë në top pesëshen e javës të FIBA Europe Cup.

Prishtina ka nevojë për përkrahjen e të gjithëve në Pallatin e Rinisë dhe të Sporteve në kryeqytet, pasi me një fitore do të sigurohej kualifikimi dhe arritja më e madhe në histori të basketbollit shqiptar dhe sportit vendor në përgjithësi. /Telegrafi/