Tatuazhi special me datë i David Raya që ka një lidhje të veçantë me Arsenalin

Arsenal të martën arriti marrëveshje me Brentfordin për huazimin me të drejtë blerje të portierit spanjoll David Raya.

Kjo marrëveshje do t’i kushtojë arkave të “Topçinjve” plot 3.5 milionë euro ndërsa nëse londinezët vendosin ta marrin në fund, atëherë do të duhet të paguajnë edhe 31.5 milionë euro verën e ardhshme.

27-vjeçarit do t’i duhet të luftojë për vendin e titullarit me Aaron Ramsdale i cili ka pasur besimin e trajnerit Mikel Arteta sezonin e shkuar.

Lexo po ashtu Zyrtare: Arsenali nënshkruan me portierin David Raya

Megjithatë, historia e Rayas me Arsenalin duket se daton më herët pasi portieri ka kujtime të bukura me “The Gunners” dhe mban një tatuazh në qafën e tij e cila e vërteton më së miri diçka të tillë.

Raya ka një tatuazh me datën 13 gusht të vitit 2021, datë e veçantë për portierin pasi është dita kur ai ka debutuar në Ligën Premier, pikërisht në një ndeshje ndaj Arsenalit.

Brentford luajti me Arsenal më datë 13 gusht të vitit 2021, madje “The Bees” fituan me rezultatin 2-0 me Rayan që ia doli ta mbante të paprekur portën e tij.

Tashmë, Raya do të mbrojë portën e Arsenal ndërsa është përforcimi i katërt për “Topcinjtë” pas Jurrien Timber, Kai Havertz dhe Declan Rice. /Telegrafi/