Tartaleta me krem gjalpi dhe fruta

Përbërësit:

* miell, 400 g
* gjalpë i freskët, 160 g
* 4 të verdha vezësh
* sheqer, 280 g
* sodë buke, 2 g
* ujë, 80 g

Për kremin:
– gjalpë i freskët, 200 g
– sheqer i bluar, 150 g
– pak vanilje

Për zbukurimin:
– reçel, 200 g

Përgatitja:

Në një enë me fund sferik rrihet gjalpi me sheqerin pudër derisa të zbardhet dhe të bëhet një masë e njëllojtë (plastike).

Hidhen të verdhat e vezëve një e nga një, pastaj mielli i përzier me sodë buke. Përzihet lehtë me kujdes që të mos bëhet elastik.

Brumi i gatshëm i përgatitur hidhet në tavolinën e spërkatur me miell. Hapet në peta me anë të petësit ose okllai me trashësi 7-8 cm. Peta e hapur pritet në 20 copa katrore të barabarta. Çdo copë vendoset në formën dhëmbëza-dhëmbëza të lyer me gjalpë e spërkatur me miell për tartaletë.

Me gishtat e mëdhenj shtypet brumi nëpër anët e formës. Brumi i tepërt hiqet. Format me brumë piqen në temperaturën 230- 240°C për 8-10 min.

Pas pjekjes, duke përmbysur format, hiqet brumi i pjekur i tartaletave. Në mungesë të formave me dhëmbëza, peta e brumit mund të pritet me gota qelqi, anët e brumit të sipërfaqes lyhen me vezë dhe mbi to vendoset një rreth unazë po prej atij brumi.

Tartaletat e ftohura mbushen me anë të qeskës së pastiçerisë ose kaush prej letre me krem gjalpi dhe zbukurohen me fruta.

Shënim: Krem gjalpi përgatitet në këtë mënyrë: në një enë prej qelqi ose inoksi shtohet gjalpë e freskët, punohet me duar derisa të zbutet, shtohet sheqeri pudër i situr dhe pak esencë. Vazhdon rrahja me kujdes me një lugë druri derisa masa e kremit të zbardhet. Krem gjalpi është gati për t’u përdorur. /Telegrafi/