Tare nuk e pret më Muriqin, takohet me agjentin e tij dhe pret oferta për yllin e Kosovës

Vedat Muriqi nuk do ta ketë një rast të dytë te Lazio për t’i treguar vlerat e tij.

Pas një viti dëshpërues, ylli nga Kosova duket se do të shitet këtë afat kalimtar veror nga skuadra e Lazios.

Në fakt nuk pritet të ketë një rast të dytë për Muriqin që sulmuesi nga Prizreni ta tregojë vetën në kryeqytetin italian.

Gazetari i njohur Nicolo Schira që njihet si ekspert i tregut të transferimeve ka raportuar se Igli Tare e ka nxjerr në shitje kosovarin.

Drejtori sportiv i Lazios është takuar me agjentin e Muriqit, Valerio Giuffrida, të cilit i ka kumtuar lajmin se nuk llogaritin në shërbimet e prizrenasit për edicionin e ardhshëm.

Kësisoj Tare po pret ofertën e duhur për ta shitur yllin e Kosovës gjatë verës.

Lazio pagoi 18 milionë euro një vit më parë, por Muriqi nuk arriti asesi të përshtatej në futbollin italian.

E ardhmja e reprezentuesit kosovar duket se do të jetë përsëri në Turqi, ku Fenerbahce, Galatasaray dhe Besiktas kanë shprehur interesim për të. /Telegrafi/

Meeting in Milano between Igli #Tare and the intermediary Valerio Giuffrida. Vedat #Muriqi could leave #Lazio this summer. #transfers

— Nicolò Schira (@NicoSchira) June 25, 2021