Chelsea ka marrë një fitore tejet të vlefshme në shtëpi përballë Crystal Palace.
Në derbin londinez, Chelsea fitoi me rezultat të thellë 4-0, por një gjë e pazakontë ndodhi në minutën e 82-të të ndeshjes.
Skuadra e Frank Lampard fitoi dy penallti të cilat në gol i shndërroi mesfushori italo-brazilian Jorginho.
Megjithatë mesfushori i Kombëtares së Italisë u përplas me sulmuesin Tammy Abraham tek penalltia e dytë.
Anglezi e fitoi penalltinë e parë, ndërsa të dytën ishte Kai Havertz që e nxori.
Problemi filloi tek penalltia e dytë kur Abraham u afrua dhe mori topin për ta ekzekutuar atë.
Si sulmuesi ashtu edhe Jorginho që ka përgjegjësi për ekzekutimin e penalltive u konfrontuan mes vete, derisa ndërhyri kapiteni Cesar Azpilicueta.
Kapiteni i dha të drejtë Jorginhos i cili realizoi me qetësi për 4-0.
Abraham u mërzit që nuk e mori penalltinë, por gjithsesi në fund i dha dorën Jorginhos pasi shënoi golin. /Telegrafi/
https://twitter.com/1_spoton/status/1312384387313537024
https://twitter.com/AdemolaVictor/status/1312381957272145922
