Kosova U-21 kishte udhëtua në Bakun e largët për ta zhvilluar ndeshjen ndaj Azerbajxhanit (0-0), e vlefshme për kualifikimet në Kampionatin Evropian.
Argjentina kishte luajtur miqësore me Nigerinë në Rusi ku ka pësuar humbje me rezultat 4-2.
Lojtarët e Kosovës nga Baku kanë zbarkuar fillimisht në Stamboll, në aeroportin ‘Ataturk’.
Të njëjtën gjë e kanë bërë edhe yjet e Argjentinës, si Paulo Dybala që luan te Juventus dhe portieri Sergio Romero që ruan portën te Manchester United.
Dybala me mesfushorin e Kosovës U-21, Meriton Korenicën
Palët janë takuar në aeroport, ndërsa sjellja e Dybalas karshi lojtarëve të Kosovës ka qenë shembullore.
Sergio Romero me sulmuesin e Llapit, Mirlind Dakun
Ai me shokun e tij Romero nuk kanë përtuar të bëjnë foto.
Menaxheri i Kosovës, Zgjim Sojeva, me yllin e Juventusit
Një kujtim i bukur për lojtarët e Kosovës që u kthyen me një pikë nga Azerbajxhani. /Telegrafi/
