Takime interesante këtë mesjavë në Superligën e Kosovës në basketboll

Në mesjavë do të zhvillohet xhiroja e tretë në Superligën e Kosovës në basketboll.

Të mërkurën do të zhvillohen dy ndeshje, ku Trepça e pret Golden Eagle Ylli në Mitrovicë.

Mitrovicasit kanë pësuar dy humbje nga dy ndeshje të zhvilluara, kurse therandasit kanë dy fitore nga dy ndeshje në këtë edicion.

Ponte Prizreni-Peja është një takim shumë interesant, ku prizrenasit kanë një fitore dhe një humbje në këtë edicion, kurse pejanët dy fitore nga dy ndeshje dhe do të mundohen të vazhdojnë ecurinë pozitive.

Rahoveci-Sigal Prishtina po ashtu shihet si një përballje mjaft interesante, ku në vitet e fundit, takimet mes këtyre dy skuadrave kanë qenë shumë interesante dhe dramatike. Bardhekaltrit i mundën në gjysmëfinale të Superkupës, andaj ky takim po pritet me interesim të madh. Të dy skuadrat kanë një fitore dhe një humbje.

Bashkimi, që ishte finalist i Superkupës do të ndeshet me Vëllaznimin, që ka hyrë nga Liga e Parë në Superligë. Prizrenasit kanë një fitore dhe një humbje, kurse kuqezinjtë dy humbje nga dy ndeshje.

Java 3

E mërkurë

19:00 Trepça – Golden Eagle Ylli

19:00 Ponte Prizreni – Peja

E enjte

19:00 Rahoveci – Sigal Prishtina

19:00 Bashkimi – Vëllaznimi