Sulmi me dron në bazën ajrore të Pskov u krye prej brenda Rusisë, thotë Ukraina

Sulmi me dron në një bazë ajrore në qytetin rus të Pskov të martën u krye prej brenda Rusisë, tha shefi i inteligjencës ushtarake të Ukrainës.

Kyrylo Budanov tha se dy aeroplanë mallrash Ilyshin u shkatërruan dhe dy u dëmtuan. Rusia thotë se katër janë dëmtuar, raporton BBC, përcjell Telegrafi.

Budanov nuk e bëri të ditur nëse sulmi ishte kryer nga operativë ukrainas apo rusë.

Lexo po ashtu Zelensky thotë se Ukraina ka kapacitete të godet objektivat me raketa nga një distancë prej 700 kilometrash

Sulmet me dronë të Ukrainës ndaj Rusisë pothuajse çdo ditë. Vendi ka pranuar tashmë sulmin në Pskov.

Deklaratat e Budanov duket se i japin fund spekulimeve se sulmi ishte shkaktuar nga një armë me rreze të gjatë.

Presidenti ukrainas Volodymyr Zelensky deklaroi të enjten se një armë e prodhimit ukrainas kishte goditur një objektiv në një distancë prej 700 kilometrave. Pskov është afërsisht 500 kilometra larg nga kufiri ukrainas.

“Ne po punojmë nga territori i Rusisë”, tha Budanov për faqen e internetit të Zonës së Luftës të enjten, pa thënë se çfarë lloji apo sasie të dronëve janë përdorur. /Telegrafi/