Sulm në Virginia, 19-vjeçari me katër armë qëlloi mbi turmën gjatë ceremonisë së mbrëmjes së maturës – vriten dy persona dhe plagosen pesë tjerë

Një person i armatosur 19-vjeçar hapi zjarr të martën mbrëma në Richmond, Virginia, ndërsa qindra njerëz qëndruan jashtë në një park pas mbrëmjes së maturës, duke vrarë dy persona dhe duke plagosur pesë të tjerë, tha shefi i policisë së qytetit, Rick Edwards.

Disa njerëz u plagosën ndërsa u përpoqën të largoheshin nga të shtënat, duke përfshirë një vajzë nëntë vjeçare që u godit nga një veturë, u tha gazetarëve të martën mbrëma shefi i policisë, transmeton Telegrafi.

“Policia fillimisht arrestoi dy persona, por më vonë tha se njëri nuk ishte i përfshirë. Policia do të ngrejë dy akuza për vrasje të shkallës së dytë kundër 19-vjeçarit, i cili hetuesit besojnë se mund të ketë njohur një nga viktimat dhe të ketë pasur katër armë”, tha Edwards.

🚨#BREAKING: Mass shooting at Virginia Commonwealth University's during high school graduation ceremony⁰
📌#Richmond | #Virginia

Currently multiple law enforcements are on scene of a mass shooting that took place during a high school graduation ceremony in Monroe Park on the… pic.twitter.com/18sEoB973z

— R A W S A L E R T S (@rawsalerts) June 6, 2023

Një 18-vjeçar që u diplomua të martën, dhe një 36-vjeçar që ndiqte ceremoninë në një teatër pranë parkut u vranë.

“Të shtënat ndodhën në Monroe Park pas një ceremonie në shkollën e mesme Huguenot në Teatrin Altria”, tha zyrtari i Shkollave Publike Richmond, Matthew Stanley.

Parku ndodhet në kampusin e Universitetit të Commonwealth të Virginia, përballë teatrit.

Moments shots fired following a Huguenot High School graduation ceremony at Altria Theater in Richmond. 2 dead, 5 injured in shooting in Monroe Park. https://t.co/v0R6L8PYJZ pic.twitter.com/73PBkmLOsq

— Channel3 Now (@channel3nownews) June 7, 2023

Përveç dy të vrarëve, pesë të tjerë – një djalë 14-vjeçar dhe katër burra të moshës 31 deri në 58 vjeç – morën plagë me armë zjarri.Katër nga të plagosurit pësuan lëndime jo të rrezikshme për jetën, theksoi Edwards.

I dyshuari është larguar nga vendi i ngjarjes, por policia e ka ndaluar dhe arrestuar.

“Ceremonia e diplomimit përfundoi dhe maturantët ishin jashtë duke bërë foto me familjet e tyre kur ndodhën të shtënat”, tha mbikëqyrësi i shkollave publike në Richmond, Jason Kamras. /Telegrafi/