Subaru Impreza WRX në pritje të pronarit të ri, pritet të shitet në ankand

Një njësi e përkryer e Subaru – modeli Impreza WRX, së shpejti do të dalë në shitje përmes një shtëpie të ankandeve.

Fjala është për modelin që zgjon nostalgjinë dhe rikujton epokën e artë të World Rally Championship, transmeton Telegrafi.

Edhe pse jo i rrallë si model me dy dyer – Impreza 22B STi, WRX është akoma një veturë e dëshiruar, në veçanti nëse është në gjendje të mirë teknike.

Kjo njësi ka timonin në anën e djathtë dhe prezanton kapsulën e vërtetë, pasi ka përshkuar vetëm 17.623 kilometra.

Karroceria është e lyer me të bardhë dhe përmban elemente të dizajnit të parë të gjeneratës së parë të modelit që është prodhuar nga 1992 e deri më 2000.

Brendësia e veturës duket sikur sot të ketë dalë nga shiriti prodhues i fabrikës. Shoferi dhe pasagjeri në pjesën e përparme kanë ulëse komode.

E duke marrë parasysh se bëhet fjalë për njësinë e vonë të gjeneratës së parë të Impreza WRC, motori 2,0 litra me katër cilindra prodhon 276 kuaj-fuqi. Fuqia motorike bartet në të katër rrotat, falë ndërruesit manual me pesë shpejtësi.

Kjo veturë aktualisht gjenden në Joondan të Australisë, e pronari i ri duket se duhet të ndajë “një shumë të majme të parave” për ta pasur në garazh. /Telegrafi/