Studimi i aktivitetit të trurit të minjve pritet të bëhet përmes “syzeve të realitetit virtual”

Një ekip i shkencëtarëve në Universitetin Northwestern të SHBA-së, ka zhvilluar një metodë inovative për të studiuar aktivitetin e trurit te minjtë laboratorik, përmes konceptit të realitetit virtual (RV).

Ata krijuan syze të vogla VR që pozicionohen mbi fytyrën dhe pjesën më të madhe të trupit të një miu, të cilat e kanë lejuar studiuesin të simulojnë kërcënime të ndryshme dhe të monitorojnë reagimet e tij, përcjell Telegrafi.

Sistemi, i njohur si Miniature Rodent Stereo Illumination VR (iMRSIV), ka sjellë një përvojë më gjithëpërfshirëse se metodat e përparshme, duke lejuar brejtësit të përjetojnë një mjedis të ri VR.

Syzet VR, nuk lidhen në kokën e miut, por pozicionohen në pjesën e përparme, duke rrethuar të gjithë fushën e shikimit të tyre.

Ndërsa, për të krijuar praninë e kërcënimeve, ekipi projektoi zgjerimin e njollave të errëta në ekranin e syzeve.

Ky studim lejon shkencëtarët të kuptojnë më mirë sjelljet e minjve përpara situatave të caktuara, duke përfshirë edhe sjelljen instinktive.

Rezultatet e këtij studimi u publikuan në revistën shkencore “Neuron”. /Telegrafi/