SPP e Maqedonisë prezanton gjendjen e stacionit policor në Stenje (Foto)

Sindikata e pavarur policore në konferencën e sotme për shtyp nëpërmjet të fotografive prezantoi gjendjen e mjerueshme të stacionit policor në vendkalimin kufitar Stenje. Kreu i sindikatës, Goce Dellçev Todev tha se në këtë stacion policor nuk është investuar asnjë denar që nga viti 1992. Ata kërkuan nga ministria përkatëse që nga ky vit të sigurohen mjet buxhetore dhe të krijohen kushte dinjitoze për rreth 40 nëpunës të këtij stacioni.

“Kjo është dëshmi për kushtet në të cilat punojnë nëpunësit policor. Ballafaqohemi me një fotografi që përkujton vitet e 90-ta, sikur të jetë ndalur koha. Ne si sindikatë kishim durim dhe pritëm të kalojnë zgjedhjet, por tani në mënyrë publike kërkojmë nga MPB-ja të ndajë kohë dhe të vërejë se në çfarë gjendje është ky vendkalim kufitar. Tëketë përkushtim dhe të mundësohet jetë për policët, duke e pasur parasysh faktin që në vijim janë procedura disiplinore kundvr 16 të punësuarve. Nëse ka dënime, le të ketë edhe përgjegjësi”, tha Todev./Telegrafi/