Spitali “8 Shtatori” kërkon punësime urgjente të infermiereve

Korridore dhe dhoma të zbrazura, sportele të mbyllura, salla kirurgjike të zbrazura, aparaturë e braktirsur – është gjendje e ish spitalit ushtarak (8 Shtatori), që dikur ishte një nga qendrat mjekësore më të mëdha. Katër salla kirurgjike dhe tre departamente, tanimë gjashtë muaj nuk punojnë për shkak të mungesës së stafit mjekësor, përcjell Telegrafi Maqedoni.

Drejtori i spitalit, Sasho Stojçev, thotë se duhen punësime urgjente të infermiereve dhe personelit tjetër, që të mund të kthehet normaliteti në punë. Gjatë fushatës parazgjedhore ishte shpallur konkurs për punësimin e 60 motrave medicinale, ndërsa prej atëherë gjendje është edhe më alarmante.

Ndërsa, në ndërkohë rritet numri i pacientëve që presin në radhë, për të cilët është e pamundur trajtimi mjekësor dhe detyrohen që “shpëtim” të kërkojnë në sipitalet private.

Ministri i Shëndetësisë, Arben Taravari, është i njoftuar me situatën. Ai nesër do të realizojë takim me drejtorin e spitali dhe do të kërkojnë zgjidhje të përbashkët për punsimin e kuadrit të ri./Telegrafi/