Spitalet e Pejës e Gjakovës përfitojnë 5.5 milionë franga për grupet e margjinalizuara

Ministri i Shëndetësisë, Arben Vitia dhe ambasadori i Zvicrës në Kosovë, Thomas Kolly sot kanë nënshkruar marrëveshje për projektin “Shërbime Shëndetësore të Integruara” në vlerë 5.5 milionë franga (CHF), që target ka grupet e margjinalizuara dhe sëmundjet jo-ngjitëse.

Sipas një njoftimi për media, ky projekt në fokus ka sëmundjet jo ngjitëse si dhe ju del në ndihmë posaçërisht grupeve të cenueshme që përgjithësisht kanë status shëndetësor më të dobët, dhe që  përballen me situata më të vështira ekonomike.

Ndërkaq, ministri Vitia ndjehet jashtëzakonisht i lumtur për fokusin që ka kjo marrëveshje, siç janë sëmundjet jo ngjitëse dhe grupet e cenueshme.

Ndërsa Ambasadori i Zvicrës, Thomas Kolly tha se “Projekti IHS është një tjetër arritje në bashkëpunimin e zgjeruar në sektorin shëndetësor ndërmjet dy vendeve. Ambasadori Kolly nënvizoi përkushtimin për të kontribuar në fuqizimin e sistemit që siguron qasje të barabartë në shërbime shëndetësore cilësore për popullsinë, sidomos për grupet më të cënueshme”. /Telegrafi/