Spanja nuk i beson Hierros, zbulohen tre alternativat që mund ta zëvendësojnë spanjollin

Futbolli aktual i Spanjës meriton një pushim dhe një analizë pas dështimit të madh në Kupën e Botës në Rusi.

Spanjollët u eliminuan në botëror pas humbjes në penallti (4-3) kundër organizatorëve, Rusisë, ku ndeshja në kohën e rregullt dhe pas vazhdimeve përfundoi 1-1.

Kjo ka bërë që të mendohet për një trajner të ri pasi që në tre ndeshjet, aq sa e udhëhoqi kombëtaren Fernando Hierro, nuk ka bindur se e meriton ta udhëheq La Rojan.

Tashmë mediat spanjolle kanë zbuluar tre trajnerët e mundshëm që mund ta marrin drejtimin e spanjollëve, ku i preferuari i fansave është trajneri i papunë, Luis Enrique.

Ky i fundit u shkarkua nga klubi i Barcelonës gjatë vitit të kaluar dhe është i gatshëm ta merr drejtimin e Spanjës.

Lexo po ashtu Të gjitha lajmet rreth Kampionatit Botëror

Gjersa vlen të theksohet se dy emra të tjerë janë edhe Quique Sanchez Flores si dhe Michel, të dytë të papunë pasi largimit prej Espanyol, përkatësisht Malaga.

Ndryshe, Spanja e shkarkoi një ditë para fillimit të botërorit Julen Lopeteguit, i cili konfirmoi se do të drejtojë skuadrën e Real Madridit një javë para Kupës së Botës, e cila gjë detyroi Federatën e Futbollit të Spanjës ta shkarkoi trajnerin 51-vjeçarin. /Telegrafi/