Trajneri i Interit, Luciano Spalletti, është shprehur relativisht i kënaqur me rezultatin dhe paraqitjen e lojtarëve të tij ndaj Juventusit në Derby d’italia.
Spalletti i pa lojtarët e tij duke vuajtur në pjesën e dytë dhe ai pranon faktin se ata nuk ishin shumë të fokusuar në fraksionin e dytë.
Megjithatë, Spalletti thotë se ai nuk do të preferonte barazimin në udhëtime te Napoli e Juventusi, pasi që ai gjithmonë kërkon fitoren.
“Nuk jam i hidhëruar me rezultatin. Sigurisht, gjithmonë tentoni të jepni këshilla si duhet dhe ne humbëm topat shumë lehtë në pjesën e dytë, kështu që sugjerova lojtarët të relaksohen dhe t’i besojnë kualiteteve të tyre”.
“Kur largoheni nga Torino me një pikë dhe portën e pa prekur, kjo është pozitive. Ne e meritojmë të jemi në krye të tabelës. Në një moment, është dukur thua se ne e kemi falur mundësinë për një barazim”.
“Në 30 minutat e parë kemi qenë shumë të mirë deri në pjesën e tretë të fushës, pasi që nuk finalizonim posedimin tonë. Ne vijmë nga tri sezone ku kualiteti me ekipet në maje të tabelës ishte masiv. Tash ne kemi 15 javë të zhvilluara dhe kemi krijuar idenitetin tonë, e në të njëjtën kohë disa të tjerë duken duke mos besuar se ne jemi në maje të tabelës”.
“Mendova se patëm potencial të bëjmë më shumë, por ne humbëm topin lehtë dhe nuk ishim të përkushtuar mjaftueshëm në pjesën e dytë. Në disa momente, ne vullnetarisht nuk angazhoheshim. Unë kam dashur të shoh më shumë grintë dhe të shfrytëzojmë mundësitë tona”.
“Chiellini ka shkaur të flasë me gjyqtarin pas atij episodi në zonë, e ai më bëri të mendoj se ka qenë një situatë e dyshimtë, por gjyqtari më siguroi se ishte normale, kështu që e kam keqinterpretuar situatën. Ne e kemi zgjidhur këtë gjë”.
“Unë nuk do të pajtohesha me barazime te Napoli dhe Juventusi, sepse ne gjithmonë synojmë rezultatin maksimal. Ne duhet të pyesim veten pse nuk fituam. Ne kemi pasur mundësinë dhe duhet të kuptojmë se kemi shumë më shumë potencial për të shfrytëzuar. Nëse ne nuk japim gjithçka, bëhet e vështirë që të arrihet sukses në një kampionat si Serie A”.
“Ne nuk kemi asgjë për të humbur. Të dyja ekipet kanë pasur potencial që të mos gabojnë, kështu që ne patëm 90 për qind mundësi për të fituar, por ai 10 përqindësh, momenti i ndeshjes që do të mund të ndryshonte shumë edhe një sezon. Ne luftuam shumë dhe sollëm në shtëpi një pikë të mirë, por ne bëmë më pak se sa që kemi mundur të bënim”, u shpreh Spalletti. /Telegrafi/
https://www.youtube.com/watch?v=G0J_w8nDgFk&feature=youtu.be&a=
Promo
Reklamo këtuLufta Prigozhin - Putin
Më shumëVjen reagimi i Edon Zhegrovës pas përjashtimit nga kombëtarja e Kosovës
Ndryshime në listën e Kosovës, Foda përjashton tre futbollistë
Ronaldo befasoi me zgjedhjen e tij kur përmendi lojtarin më të mirë që ka parë ndonjëherë
Leo Messi befasoi me zgjedhjen e tij kur përmendi lojtarin më të mirë që ka parë ndonjëherë
Barcelona e gatshme të shesë dy yjet e ekipit, drejtuesit madje kanë gjetur zëvendësuesit e tyre
Numrat prapa ndeshjeve të Zhegrovës, Muslijës dhe Muricit me Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Leo Messi befasoi me zgjedhjen e tij kur përmendi lojtarin më të mirë që ka parë ndonjëherë
Merr fund historia e biznesit me shezlongët? Ndreu jep lajmin e mirë
Pas transferimeve të raketave balistike nga Irani në Rusi, SHBA-ja vjen me një paralajmërim
Kosova rrezikon të mbetet jashtë Procesit të Berlinit, shkak masa e sigurisë me Serbinë
Notat e lojtarëve, Ukrainë 1-2 Shqipëri: Ismajli dhe Manaj me paraqitje fantastike
Shqipëria me përmbysje spektakolare ndaj Ukrainës merr tri pikët e para në Ligën e Kombeve