Sondazh i Marcas: Ronaldon, Ramosin dhe disa të tjerë nuk i duan më tifozët

Debakli në Copa del Rey kundër Leganesit, ka shkaktuar pakënaqësi të mëdha te skuadra e Real Madridit.

Los Blancos janë 19 pikë pas liderit të La Liga, Barcelonës, janë eliminuar prej Kupës së Mbretit ndërsa në fazën pas grupore të Ligës së Kampionëve do të takohen me Paris Saint-Germainin.

Kjo ka bërë që gazeta e mirënjohur sportive spanjolle, MARCA të organizojë një sondazh me tifozët e futbollit.

Në pyetjen se cilët lojtarë kanë dështuar këtë sezon dhe meritojnë që të jenë edhe në sezonin e ardhshëm, janë përgjigjur gjashtë milionë lexues.

Pas përfundimit të sondazhit, mesin e lojtarëve dështak dhe të padëshiruar ishin Sergio Ramos, Raphael Varane, Marcelo, Marcos Asensio dhe Cristiano Ronaldo.

Ky i fundit i ka marrë 77 për qind të votave negative ndërsa më i padëshiruari del të jetë me 92 për qind Karim Benzema.

Theksojmë se për vitin e ardhshëm, tifozët do të donin ta shohin Keylor Navasin, Gareth Balen, Isco, Casemiron, Toni Krossin dhe Luca Modricin.

Ndryshe, Los Blancos thuhet se po përpiqen të transferojnë Neymarin dhe një numër të madh të lojtarëve. /Telegrafi/