Smarfoni i ri nga Xiaomi do të ketë 108 megapixel, si dhe çmim shumë të ulët

Misioni i Xiaomit ka qenë gjithmonë i thjeshtë, të vë sa më shumë teknologji në një telefon të ri dhe ta shet për ëmim sa më të ulët se të tjerët.

Derisa rezultatet nuk kanë qenë gjithnjë të duhura, shitjete e telefonave ishin të kënaqshme, për shkak të shumës së ulët për blerjen e tyre, transmeton Telegrafi.

Xiaomi Mi CC9 Pro është smartfoni që u lansua sot në Kinë, që ka specifika mjaft të mira, ndërsa nuk kushton më shtrenjtë se 360 euro.

Në pjesën e pasme të telefonit janë pesë kamera, që së bashku ofrojnë deri në 108 megapixel, sensor me 20 megapixel për imazhe me kënd të gjerë, telephoto me tetë megapixel që mund të zmadhohet deri në pesë herë, 12 megapixel për imazhe në afërsi dhe dy megapixel për fotografi të mëdha. Fotografia për selfie, ofron deri në 32 megapixel.

Shifrat flasin për specifika shumë të fuqishme, por ende nuk dihet se si mund të bashkëveprojnë këto kamera në sistemin e njohur si “penta”, për të dhënë imazhet e dëshirueshme, në kohën kur smartfonët e iPhone dhe Samsung kanë kamera qendrore me nga 12 pixel.

Rezolucioni lartë ofrohet nga ekrani AMOLED me 6.47 inç, ka 8GB RAM dhe 256GB për ruajtje të dhënash, si dhe bateri masive me 5,260mAh me kapacitet të mbushjes 30W.

Ky telefon nuk do të shitet jashtë Kinës, por Xiamoni do ta prezantojë zyrtarisht në një aktivitet në Spanjë të Barcelonës, ku bëhet të bëhen të ditura edhe munësi tjera të këtij smartfoni. /Telegrafi/