Slot i kërkon Alexander-Arnoldit të ndjekë shembullin e Gerrardit për ta refuzuar Real Madridin

Arne Slot i ka kërkuar Trent Alexander-Arnold të ndjekë gjurmët e Steven Gerrard dhe të refuzojë një lëvizje të mundshme në Real Madrid.

Slot vuri në dukje vendimin e Gerrard për të qëndruar në Liverpool në 2008, duke hedhur poshtë tentimet e Real Madridit për ta transferuar atë.

“Unë mendoj se kishte një lojtar siç ishte Steven Gerrard që Real Madridi do të kishte dashur vërtet të kishte nënshkruar, por ai nuk shkoi. Kështu ka ndodhur”, tha trajneri holandez.

Lexo po ashtu Liverpooli i ofron Alexander-Arnold një kontratë ‘astronomike’ për ta refuzuar Real Madridin

“Fokusi i Trent është tek ne. Ai është pothuajse në ekipin e të gjithëve të vitit për gjysmën e parë të sezonit. Kjo tregon se sa është ai këtu për momentin”.

“Shikoni performancat e tij dhe si stërvitet. Ai nuk është aspak i hutuar, dhe as lojtarë të tjerë si Virgil van Dijk dhe Mo Salah”,deklaroi Slot.

Alexander-Arnold, kontrata e të cilit përfundon këtë sezon, mund t’i bashkohet Madridit falas në verë, me një tarifë nënshkrimi prej 100 milionë funteve dhe një rritje të pagës në 400,000 funte në javë.

Liverpooli i ka bërë një ofertë të fundit yllit të tyre, duke i ofruar kontratë pesë vjeçare me 94 milionë euro fitim në total. /Telegrafi/