Skenat nudo të aktorëve shqiptarë që bënë bujë (Foto/Video, +18)

Një kinematografi ku skena e parë nudo në një film është transmetuar në vitin 1997. E ku, edhe 19 vite më vonë, një skenë nudo në një film artistik, përflitet gjerësisht.

Nga viti 1992, deri në vitin 2016, këto janë skenat më të përfolura të zhveshjes së aktorëve nga Shqipëria dhe nga Kosova.

Rajmonda Bulku – ‘Vdekja e kalit’
Mund të themi se është e para skenë ‘nudo’ në një film shqiptar, ndonëse nuk mund të flasim për një nudo të mirëfilltë. Vetëm katër vjet pas bujës së filmit ‘erotik’ siç u quajt, ‘Unë e Dua Erën’ me Ndriçim Xhepën, në 1992-shin aktorja Rajmonda Bulku nuk ndihej ende e lirshme për të xhiruar një skenë intimiteti: ‘Megjithëse kishim hyrë në një kohë tjetër’, ka thënë ajo për skenën me Timo Fllokon, ‘Unë nuk ndihesha ende e lirshme dhe kam qenë nervoze gjatë gjithë xhirimit të skenës’ Bulku u vu në qendër të vëmendjes në vitin 1988 pas një skene pothuajse puthjeje në filmin ‘Duaje emrin tënd’, por do të ishte ajo përsëri që do të thyente tabutë e një kinemaje të bërë prej kufinjsh.

Anila Bisha dhe Ola Morava – ‘Bolero’
5 vjet pas ‘Vdekjes së Kalit’, ‘Bolero’ i regjisorit Besnik Bisha do të sillte skenën më të guximshme në një film shqiptar deri atëherë. Ndonëse bashkëshortja e tij, aktorja Anila Bisha, u fsheh pas një kabine dushi dhe një peshqiri në një skenë intimiteti me aktorin Ilir Bezhani, paralelisht me këtë skenë u transmetua edhe ajo e Ola Moravës në rolin e një prostitute, e cila nuk u fsheh aspak nga kamera.

https://www.youtube.com/watch?v=Wsp7_6hDO3o

Arta Dobroshi – ‘Heshtja e Lornës’
Aktorja nga Prishtina u bë e para kosovare që parakaloi në tapetin e kuq të Festivalit të Kanës, si protagonistja e filmit ‘Heshtja e Lornës’, që u kandidua për 2 çmime në Festivalin e 2008-ës në Kanë. Skena ku Lorna shfaqej krejtësisht nudo shkaktoi shumë bujë në Kosovë, një bujë të cilën aktorja e përsëdyti në tapetin e kuq të Kanës

Diellza Kolgeci – ‘Dashuria e Bjeshkëve të Nemuna 2’
Diellza Kolgeci kishte luajtur 17 vjet më parë tek ‘Dashuria e Bjeshëve të Nemuna’, por në 2013-ën u rikthye duke shkaktuar jo pak bujë. U diskutua shumë lidhur me skenën ku shfaqej gjoksi i saj i zhveshur, duke rrëfyer momentet intime të personazhit që mban të njëjtin emër me të, Diellza, transmeton anabel.

Teuta Krasniqi – ‘Ëngjëjt janë larg’
Regjisori Gjergj Xhuvani drejtoi një film që do të bashkonte Shqipërinë dhe Kosovën, për të rrëfyer eksodin e vitit 1999 në Kosovë. Për të shfaqur në tërësinë e vet jetën e kosovarëve të asaj kohe, një skenë shfaqi aktoren Teuta Krasniqi nudo teksa lahej me kanaçe. Një skenë që u komentua gjerësisht nga shqiptarët gjatë fillimit të 2016-ës.

https://www.youtube.com/watch?v=LE_EH6zg4tQ