Skandali i Barcelonës se si nuk e kishte dëgjuar Braidan në transferimin e Haaland, Zaniolo dhe Barella

Ish-drejtori sportiv i Milanit dhe Barcelonës, Ariedo Braida tregon se ai u ofroi Blaugranasve lojtarë si Nicolo Zaniolo, Erling Haaland dhe Nicolò Barella.

Braida u emërua drejtori sportiv i klubit katalunas në vitin 2015, një rol që ai e kishte mbuluar për më shumë se katër vjet para se t’i ndanin rrugët.

“Kam studiuar lojtarë dhe kam sugjeruar disa emra si [Erling] Haaland, nga Borussia Dortmund, kur ai ishte ende duke luajtur për Rosenborg. Klubi tha jo sepse ai nuk kishte një profil të Barçës”, ka thënë Braida për Radio Marca.

“Nga Italia, unë gjithashtu sugjerova emra të tjerë, të tillë si [Nicolo] Barella, i cili tani është në Inter, ose [Nicolo] Zaniolo i Romës”.

“Nuk mund të bëja asgjë. Unë lash mënjanë dhe kishte njerëz të tjerë të ngarkuar me negociatat”.

Braida, një ish-drejtor i Milanit, gjithashtu zbuloi se Barcelona u përpoq të nënshkruante me Paul Pogban nga Juventus para se ai të rikthehej te Manchester United.

“Nuk është gënjeshtër. Është e vërtetë që unë dhe Albert Soler shkuam në Milano për të takuar Juventusin, por pavarësisht bisedimeve nuk kishte qëllim të nënshkrimit të tij. Në fakt, Pogba përfundoi duke qëndruar në Torino atë verë”.

“Unë thashë që ai ishte një lojtar i shkëlqyeshëm, fola për të me Albert Soler, me të cilin mendoj se kisha një marrëdhënie të mirë personale, por edhe një herë, në aspektin profesional, nuk mund të punonim së bashku sepse nuk më lejohej ta bëja atë”, ka shtuar më tej ai

Braida paditi Barcelonën në 1 tetor të vitit 2019 për shkarkim pa ndonjë arsye të duhur. /Telegrafi/