Simeone refuzon Chelsean, ka tjera plane në mendje

Trajneri i Atletico Madridit, argjentinasi Diego Simeone thuhet ka hedhur poshtë një transferim të tij tek skuadra angleze, Chelsea.

Antonio Conte dhe e ardhmja e tij janë në fije peri tek kampioni aktual i Ligës Premier.

Trajneri italian që nga fillimi i sezonit është duke u lidhur me një shkarkim apo largim nga Stamford Brige.

Ish-trajneri i Juventusit ka thënë se ka edhe 18 muaj kontratë dhe dëshiron ta respektojë atë, por shumë trajner janë lidhur me pozitën e tij.

Sipas mediumit The Times, Simeone është emri i fundit që po shihet si pasardhës i Conte tek Blutë e Londrës.

Por, ky medium raporton se argjentinasi nuk e ka ndërmend ta zëvendësojë atë tek londinezët pasi ka tjera plane në mendjen e tij.

Argjentinasi, 47-vjeçar, e ka bërë të njohur nëpërmjet agjentëve të tij se ai nuk dëshiron të konsiderohet për rolin e trajneri dhe e sheh të ardhmen e tij diku tjetër.

Simeone, i cili ka edhe dy vjet e gjysmë në kontratën e tij, ose do të qëndrojë në Atletico ose do të kërkojë një lëvizje në klubin e tij të vjetër, Inter, këtë verë. /Telegrafi/