Si u përpoq Tyson Fury që të mashtronte babanë e tij John për një makinë

Tyson Fury një herë u përpoq të mashtronte babanë e tij John për të pranuar një Rolls Royce në vlerë mbi 500,000 euro si dhuratë duke pretenduar se ishte për gruan e tij Paris.

Kampioni i peshave të rënda nuk është i panjohur për makinat e nivelit të lartë pasi ai zotëron dy Rolls-Royce Cullinan, një Mercedes Benz G-Wagon dhe shumë Ferrari.

‘The Gypsy King’ u përpoq të bënte të pamundurën që babai i tij John të hiqte dorë nga Volkswageni i tij i vjetër duke e çuar atë në ulëset e Rolls Royce, duke e mashtruar duke i thënë se ishte duke e blerë atë për gruan e tij Paris.

Lexo po ashtu Nisin bisedimet për luftën e ardhshme të Tyson Furyt

John kujtoi historinë kur tha për Freebets.com: “E shoh çmimin. Është një makinë 500,000 eurosh. Unë thashë, ‘Ajo nuk ka nevojë për këtë’. Ne u grindëm pak dhe ai tha: ‘Jo babi, është e jotja. Ti je duke vozitur një makinë 30-vjeçare’”.

Edhe pse ai u befasua nga bujaria e djalit të tij, John e hodhi poshtë dhuratën pasi nuk donte të lëvizte me një makinë të nivelit të lartë. “Nuk jam unë. Nuk jam pozer dhe nuk dua të përpiqem të jem në fytyrën e askujt. Nuk dua t’i bëj njerëzit xhelozë. Unë e dua VW-në time. Ka kujtime që kur isha i ri”.

Fury aktualisht po përpiqet të rezervojë një luftë pasi nuk ka shkelur në ring që nga lufta e tij trilogjike kundër Derek Chisora. Britaniku është i gatshëm të luftojë kampionin tjetër të peshave të rënda Oleksandr Usyk në Arabinë Saudite në fund të vitit pasi rivali i tij ukrainas nënshkroi së fundmi një marrëveshje me Skills Challenge Promotions, të cilët gjithashtu kanë ngacmuar një “ofertë premium” për Fury. /Telegrafi/