Kjo sëmundje quhet edhe “vrasës i heshtur” i këtij organi vital, ndërkaq më shumë se gjysma e njerëzve nuk e identifikojnë me kohë
Shprehitë e jetës moderne, të cilat nënkuptojnë marrje të pamasë të kripës, pijeve të gazuara, mbipesha, si edhe shtypja e lartë e gjakut dhe sëmundja e sheqerit gjithsesi janë shkaktarët e sëmundjeve, bashkë me predispozitat gjenetike, mirëpo shpesh inflamacionet të cilat mund të kalojnë të padetektuara e përkeqësojnë problemin, transmeton Telegrafi.
Sëmundjet e veshkave shpesh janë të qeta dhe zhvillohen ngadalë, gjithnjë deri në fazën e vonshme të dëmtimit të funksionit të veshkave.
Këto 10 simptoma janë treguesit më të shpeshtë të problemeve, mirëpo nëse i vëreni tri apo më shumë shenja te vetja, gjithsesi shkoni për kontroll te mjeku.
Vështirësi dhe dhembje gjatë urinimit
Duke pasur parasysh që janë infeksionet urinare shkaktarët e shpeshtë të sëmundjeve të veshkave. Nëse këto dhembje shfaqen shpesh, janë shenjë për t’u brengosur.
Gjak në urinë
Kjo është simptomë e shpeshtë e inflamacionit, mirëpo edhe e sëmundjeve serioze të veshkave.
Gropat e errëta të syve
Edhe një tregues i çrregullimit në eliminimin e ujit dhe toksinës nga trupi.
Të kruarit e lëkurës dhe puçrra
Te zvogëlimi i funksionit të veshkave, toksina grumbullohet në gjak dhe shkakton simptoma të lëkurës.
Meqenëse veshkat eliminojnë tepricën e ujit nga organizmi, me rastin e zvogëlimit të funksionit të tyre, më së shpeshti ënjtjet shfaqen në nyja të këmbëve, duar, shputa dhe në fytyrë.
Shija metalike në gojë dhe era e thartë e gojës
Nëse veshkat janë të dëmtuara, atëherë ngrihet niveli i thartirës urinare në gjak. Ajo në pështymë zbërthehet në amoniak.
Krupa dhe të vjellat
Toksina vepron edhe në traktin e tretjes, mirëpo shpesh i përcjell edhe humbja e apetitit si edhe dobësimi si shenjë e sëmundjes.
Ndjenja e të ftohtit
Njëra ndër pasojat e sëmundjes së veshkave janë anemia dhe dobësimi i qarkullimit të gjakut, të cilat i shkaktojnë ndjenja e të ftohtit dhe fërgëllimat.
Mbushja me frymë dhe lodhja
Shkaktari më i shpeshtë janë anemia dhe ënjtja e mushkërive, për shkak se në gjak ka gjithnjë e më pak oksigjen.
Dhembja e përsëritur në shpinë
Në disa raste dhembja është më e vogël, ndërsa në disa të tjera më shumë e theksuar. Gjithsesi duhet kërkuar ndihmën e mjekut nëse dhembja përsëritet në pjesën e poshtme të shpinës dhe anash. /Telegrafi/
