Më shumë kartonë të verdhë se sa gola, Balotelli i jep fund aventurës me Sionin

Futbollisti italian Mario Balotelli ka shkëputur kontratën me klubin zviceran Sion, duke hapur aludimet për rikthim te Adana Demirspo, ku luan Arbër Zeneli. 

Siç njoftoi Fabrizio Romano, Balotelli ka pranuar zyrtarisht që sot t’i japë fund bashkëpunimit me këtë skuadër, ndërsa për të ardhmen dhe ku mund të shihet në periudhën në vijim, thuhet se ish-skuadra e tij Adana Demirspor është e gatshme ta kthejë atë në skuadër.

Balotelli mbërriti në Sion në gushtin e vitit të kaluar, pati një ngritje të shkurtër, por gjërat sërish shkuan “teposhtë”, kështu që ai ishte shpesh jashtë fushës për shkak të ndeshjeve të këqija dhe debateve.

Understand Mario Balotelli has decided to part ways with Sion — termination of the contract agreed and signed today! 🚨🔴🇮🇹 #transfers

Adana Demirspor want to bring Balotelli back to Turkey, as @salimmanav has reported. pic.twitter.com/VSB9fbYCLD

— Fabrizio Romano (@FabrizioRomano) September 14, 2023

Balotelli si futbollist, ishte rrallëherë i qëndrueshëm pas largimit nga Liverpooli në 2016, duke bërë karrierë në klube si Nice, Marseille, Brescia, Monza dhe Adana Demispor.

Më herët u përmend se ai mund të vazhdojë karrierën në Arabinë Saudite, por duket se Turqia dhe rikthimi në ish-klubin e tij është një destinacion më real për të, aty ku luan edhe Adana Demirspor.

Lexo po ashtu Balotelli: Kam refuzuar oferta shumë më të larta sesa këto të Arabisë Saudite

Sa i përket karrierës së tij në Zvicër, Balotelli ka luajtur gjithsej 19 ndeshje për këtë skuadër, duke shënuar gjashtë gola dhe duke marrë nëntë kartonë të verdhë.

Balotelli e nisi karrierën në Inter, nga i cili u transferua në Manchester City dhe në këtë klub luajti futbollin më të mirë të jetës së tij. Më pas u kthye në Itali, më saktë te Milani dhe më pas kalimi në Liverpool. /Telegrafi/