Shqiptari Ermal Meta zë vendin e tretë në Sanremo

Edicioni i sivjetmë i Festivalit të Sanremos e ka kurorëzuar talentin e kantautorit shqiptar, Ermal Meta, i lindur në Fier dhe me banim në Bari që në moshën 13-vjeçare.

Megjithëse nuk fitoi çmimin e parë, por u radhit i treti, ai ishte protagonisti i këtij viti. Pas fitores në mbrëmjen e ‘cover-ave’, me një interpretim drithërues të një kënge të Domenico Modugnos, ai u vlerësua me çmimin e kritikës në mbrëmjen finale.

Lexo po ashtu Ermal Meta fiton një çmim të rëndësishëm në festivalin e Sanremos (Video)

Ndër 135 kritikët e gazetarët e specializuar, 37 votuan për Ermal Metën dhe këngën e tij “Vietato Morire” (E ndaluar të vdesësh), një himn kundër dhunës në familje e një shtytje për mosbindje në këto raste.

Pas këtij suksesi, karriera e Ermal Metës, i cili ka filluar si kitarist në grupin “Ameba”, e më pas udhëheqës i “La Fame di Camilla”, do të ecë më siguri me shpejtësi më të madhe.

Ai është gjithnjë e më i kërkuar jo vetëm si solist, por edhe si kompozitor, për këngëtarë të tjerë të njohur. E në këtë “Sanremo” la pas disa prej emrave historikë të muzikës së lehtë italiane. /TCH/