Kombëtarja e Shqipërisë do të luaj njërën nga ndeshjet më të rëndësihme deri më tani në Ligën e Kombeve.
Kuqezinjtë luajnë sot ndaj Kazakistanit në “Air Albania” ndeshjen e parafundit të këtij edicioni në Ligën e Kombeve, duke filluar nga ora 18:00.
Synimi i vetëm në këtë takim është fitorja dhe vendi i parë, pasi vetëm me triumfin e sotëm Shqipëria do të shpresonte në vendin e parë në Grupin 4.
Trajneri i Shqipërisë, Edy Reja pritet të mos bëjë shumë eksperimente dhe për këtë është provuar një formacion me lojtarët që kanë ofruar më së shumti garanci deri tani.
Pas katër ndeshjeve të para, Shqipëria zë vendin e tretë në grup me pesë pikë, ku ka marrë një fitore, dy barazime dhe një humbje.
Ndërkohë Kazakistani është në vendin e fundit me vetëm katër pikë, pasi ka shënuar një fitore, ka një barazim dhe dy humbje.
Kuqezinjtë duan fitoren, pasi vetëm tri pikët nga kjo ndeshje i mbajnë ata në garë për të kaluar në Ligën B.
Ndeshja mes Shqipërisë dhe Kazakistanit zhvillohet në ‘Air Albania’ me fillim nga ora 18:00. /Telegrafi/
