Shpjegimi brilant i Benzemas për goditjen e penalltisë me ‘Panenka’ dëshmon se ai është njeriu më i ‘ftohtë’ në botën e futboll

Sulmuesi i Real Madridit, Karim Benzema ka shpjeguar pse goditi penalltinë ‘panenka’ me gjakftohtësi në përballjen e mbrëmshme ndaj Manchester Cityt.

Superylli i Real Madrid e shndërroi me besim penalltinë e tij për të shënuar në fund për rezultatin 4-3 në Etihad të martën mbrëma.

Ai e hodhi topin në mes të portës, duke mashtruar portierin Ederson, i cili e shikonte teksa ai binte në tokë.

Benzema që realizoi me sukses penalltinë e tij vjen pasi humbi dy penallti në ndeshjen e fundit të skuadrës së tij kundër Osasunas në La Liga.

Duke folur pas lojës, 34-vjeçari shpjegoi procesin e tij të mendimit pas penalltisë së tij të pabesueshme.

“Të gjithë portierët i kanë studiuar penalltitë e mia dhe unë duhej të ndryshoja. Penalltia nga ana ime ishte gjakftohtë”, ka thënë Benzema pas ndeshjes.

Karim Benzema; the coolest man in football ?#UCL pic.twitter.com/2SwoPyh1Kr

— Football on BT Sport (@btsportfootball) April 26, 2022

Carlo Ancelotti vlerësoi forcën mendore të sulmuesit për të ekzekutuar në mënyrë të përsosur ‘Panenkan’ e tij kundër Cityt.

“Mendoj se ai ndryshoi sepse dy penalltitë e fundit nuk ishin të mira. Ai ndryshoi dhe u përpoq në stërvitje. Nuk e dija se si do të gjuante. Ai e zgjodhi këtë dhe shkoi shumë mirë”.

“Personalitet dhe karakter i fortë. Nuk është e lehtë në gjysmëfinale të Ligës së Kampionëve të bësh një penallti si kjo”, ka thënë Ancelotti për gazetarët.

Benzema tani ka shënuar 14 gola në Ligën e Kampionëve këtë sezon.

Ai do të kërkojë të rrisë epërsinë e tij në krye të listave të golashënuesve të këtij sezoni, kur Reali do të presë Cityn të mërkurën e ardhshme. /Telegrafi/