Shoqata “Peja” në New York fillon shpërndarjen e 442 pakove ushqimore për familjet në nevojë

Ka nisur shpërndarja e 442 pakove ushqimore dhe miell për familjet me nevoja sociale, një iniciativë e realizuar nga Shoqata “Peja” në New York, në bashkëpunim me Shoqatën “Bereqeti” Dega në Pejë.

Kjo nismë u mundësua falë kontributit të bashkatdhetarëve, të cilët kanë dhuruar një shumë mbi 18 mijë dollarë për të ndihmuar ata që janë më të prekur nga vështirësitë ekonomike.

Shoqata “Peja” në New York, përmes një postimi në Facebook, ka bërë të ditur për shpërndarjen e këtyre ndihmave e cila ka arritur falë bashkëpunimit me Shoqatën Bereqeti.

“Ka filluar shpërndarja e 442 pakove ushqimore dhe miell të cilat janë mbledhur nga iniciativa e Shoqatës Peja-NY, ku si gjithmonë kemi bashkëpunimin e ndihmën e palodhshme të stafit të Shoqatës Bereqeti Dega në Pejë e cila kujdeset që çdo paketë ushqimore dhe miell të shkojë në familjet që janë raste sociale”, kanë shkruar ata.

Në fund, Shoqata ka falënderuar të gjithë donatorët dhe bashkatdhetarët për zemërgjerësinë e tyre dhe për mbështetjen e vazhdueshme ndaj nismave humanitare. /Telegrafi/