Shoqata e Përpunuesve të Drurit e zhgënjyer me klasën politike – thonë se është bllokuar eksporti i produkteve të Kosovës

Shoqata e Përpunuesve të Drurit të Kosovës ka shprehur shqetësimin e saj për bllokimin e eksporteve të produkteve kosovare.

Shoqata thotë se ka pranuar shqetësime të shumta nga anëtarët e saj për shkak të kufizimit të lëvizjes të këtyre bizneseve.

Përpunuesit e drurit thonë se tregu i Kosovës është i hapur për të gjitha tregjet, ndërkohë që shteti nuk mund të mbështesë ata të eksportojnë produktet jashtë vendit, përcjell Telegrafi.

“Si gjithmonë urojmë të mbijetoni dhe të gjendeni, sepse çështja e vizave është një pikë në det për pushtetarët tanë!”

Shoqata është shprehur e zhgënjyer edhe nga politikat e Bashkimit Evropian për bllokimin e qytetarëve e bizneseve të Kosovës.

Njoftimi i Shoqatës së Përpunuesve të Drurit të Kosovës

Te nderuar anëtarë,

Shumë nga ju keni shqetësime të mëdha tashmë! Mundësia e juaj e lëvizjes së kufizuar tashmë është bëre akoma më e pamundur! Viza biznesi nuk ka! Nevojat e juaja për lëvizje të lirë

janë shumë të mëdha.

Çfarë të bëjmë ne? Fuqia jone ndalet këtu! Si shoqatë. Çdo ambasade ka ndalë vizat, si shteti më i hapur që jemi për qarkullim të mallrave nga çdo skaj i botës, pa asnjë kufizim, por ne nuk jemi në gjendje akoma si shtet të ofrojmë përkrahjen e prodhuesve për eksport!

Si gjithmonë urojmë të mbijetoni dhe të gjendeni, sepse çështja e vizave është një pikë në det për pushtetarët tanë!

BE mos po ju duket qe e keni tepru me këtë popull e këtë shpirt ndërmarrës!!!

E keni izolu në pikën e fundit! A jemi ne fajtore të destabilizimit në Ballkan apo çfarë keni me ne! E çuditshme! E pakuptimtë dhe pa asnjë shpjegim!

E ju shqiptarë, pushtetarë kosovare vazhdoni luftën për pushtet se krejt ne vije i keni qitë!