Shkupi shënon 60-vjetorin nga tërmeti katastrofik

Shkupi sot me më shumë aktivitete dhe manifestime do ta shënojë 60-vjetorin nga tërmeti katastrofik në vitin 1963, ku jetën e kanë humbur 1.070 persona, ndërsa 3.000 janë lënduar.

Më 26 korrik të vitit 1963 në ora 5 e 17 minuta ka ndodhur tërmeti katastrofik në Shkup, me dridhje më të vogla deri ora 5 e 43 minuta. Me këtë rast, janë rënuar 15.800 banesa, ndërsa janë dëmtuar 28.000. Mbi 200.000 kanë mbetur pa kulm mbi kokë.

Pas tragjedisë në Shkup, Kryqi i Kuq ndërkombëtar ka dërguar apel deri te të gjithë organizatat, të organizojnë ushqim për fëmijët shkupjanë. Unioni interparlamentar dërgoi rekomandim deri te të gjithë parlamentet dhe qeveritë të ndihmojnë në rimëkëmbjen e qytetit. Organizatat humanitare në shumë vende filluan me grumbullimin e ndihmës për Shkupin.

Kombet e Bashkuara kanë ndërmarrë aktivitete për ndihme afatgjate për qytetin e rënuar.

Më 23 shtator të vitit 1963, 35 vende kërkuan që Asamblea e përgjithshme ta vendos në rend të ditës të mbledhjes së saj pikën për ndërmarrjen e masave me rastin e tërmetit në Shkup. Më vonë, më 27 shtator, Asamblea e përgjithshme i dha prioritet aksionit ndërkombëtar për ndihmë për Shkupin.

Më 14 tetor, Asamblea e përgjithshme e Kombeve të Bashkuara njëzëri miratoi rezolutë për dhënien e ndihmës për Qeverinë jugosllave gjatë rikonstruimit të Shkupit, ku ka shprehur keqardhje me rastin e katastrofës së madhe. Në debatin për ndihmën e Shkupit, Asamblea e përgjithshme i ka dëgjuar fjalimet e përfaqësuesve të mbi 20 vendeve nga të gjitha kontinentet. Kjo ditë ka mbetur në analet e Kombeve të Bashkuara si ditë e Shkupit.

Gjashtëdhjetë vjetori nga tërmeti katastrofik në Shkup sot do të shënohet me më shumë aktivitete.

Mes tjerash, një delegacion qeveritar i udëhequr nga zëvendës kryeministri për çështje evropiane Bojan Mariçiq, në shoqërim të ministres së Kulturës, Bisera Kostadinovska-Stojçevska dhe zëvendës ministrit të Arsimit, Agim Nuhiu, do të vendos lule para përmendores së viktimave nga tërmeti në varrezat e Butelit.