Shkenca jep përgjigjen: A është e shëndetshme të pini ujë ndërkohë që jeni duke ngrënë?

Uji është substanca më e rëndësishme në planet për jetën njerëzore, pasi që është përgjegjëse për një numër të madh të funksioneve vitale në trup.

Uji është krucial për shëndetin tonë, duke filluar nga sistemi i tretjes e deri te hidratimi i lëkurës që e ngadalëson plakjen, ndihmon me humbjen e peshës, e rritë përqendrimin, energjinë, disponimin, etj., transmeton Telegrafi.

Ekspertët shëndetësorë rekomandojnë t’i pini të paktën dy litra ujë në ditë.

Sidoqoftë, sa i përket çështjes së ujit, ekzistojnë dy teori në kundërshtim me njëra-tjetrën:

1. Uji duhet të konsumohet gjatë ushqimit sepse është i shëndetshëm
2. Nuk duhet të pini ujë kur jeni duke ngrënë

Por, cila është e vërteta?

Epo, më në fund shkenca ka dhënë përgjigjen!

Siç thonë ekspertët, edhe nëse mund të shkaktojë gjëra të dëmshme, përfitimet e ujit i tejkalojnë të gjitha disavantazhet.

Studimet tregojnë se konsumimi i ujit gjatë ngrënies e parandalon ngrënien e tepërt dhe e parandalon shtimin e peshës.

Një studim tjetër ka treguar se të rriturit që e konsumojnë një gotë ujë para shujtës humbin më shumë peshë sesa ata që nuk konsumojnë fare.

Ndër tjerash, konsumimi i ujit para shujtës e ngadalëson shpejtësinë me të cilën hamë dhe, rrjedhimisht, hamë më pak.

Kur hamë ngadalë, ne kemi mjaftueshëm kohë që truri të na dërgojë sinjale se më nuk jemi të uritur.

E mira tjetër e ngrënies së ngadaltë është se e shijojmë ushqimin më shumë.

Uji po ashtu e ndihmon ushqimin të kalojë përgjatë sistemit të tretjes dhe i parandalon problemet e kapsllëkut. /Telegrafi/