As shiu, as “Ujqërit” nuk e ndalin Liverpoolin

Liverpooli ka shënuar fitore të madhe në udhëtim te Ëolvesi me rezultat 2-0.

The Reds në këtë takim ishin shumë të sigurtë, përkundër atmosferës së zjarrtë të vendasve dhe motit të papërshtatshëm.

Klopp bëri disa ndryshime në formacion, duke startuar me Hendersonin, por Shaqiri u la në stol dhe nuk pati asnjë minut në këtë sfidë.

E shiu duke të ketë inspiruar Liverpoolin që arriti të gjejë golin me anë të Mohamed Salah i cili realizoi për 1-0 (18′) pas një aksioni të bukur nga Fabinho dhe Mane.

Në vazhdim Wolvesi bëri shumë përpjekje dhe ishte afër golit të barazimit, por nuk arriti të shënonte.

Në minutën e 68-të një top i Salahut e gjeti Virgil Van Dijk që shënoi për 2-0 dhe epërsinë solide të mysafirëve.

https://twitter.com/VintageSalah/status/1076228704383221761

Pikërisht me rezultat 2-0 përfundoi ky takim, që mban Liverpoolin në krye të tabelës.

The Reds kanë 48 pikë, katër pikë më shumë se Manchester City që e pret Crystal Palacen në Etihad Stadium. /Telegrafi/

https://twitter.com/MrNickMason/status/1076211329072095232