Shira të dendur dhe përmbytje masive – të paktën 40 të vdekur dhe dhjetëra mijëra të zhvendosur në Kenia dhe Somali

Shirat e dendur dhe përmbytjet kanë vrarë të paktën 40 njerëz dhe kanë zhvendosur dhjetëra mijëra në Kenia dhe Somali, njoftuan agjencitë e ndihmës të hënën.

Në Somali, qeveria shpalli një situatë emergjente pasi moti ekstrem vrau të paktën 25 njerëz dhe shkatërroi shtëpi, rrugë dhe ura, shkruajnë mediat e huaja, përcjell Telegrafi.

Punonjësit e urgjencës dhe të shpëtimit po përpiqeshin të arrinin rreth 2,400 banorë të bllokuar nga përmbytjet në rrethin Luuq të shtetit Jubaland të Somalisë jugore.

#JustIn: Heavy rains have elevated the water levels on Juba river, causing #flooding in riverine areas of Jubaland State, #Somalia.

In Luuq district, 2.4K people have been trapped in an area surrounded by water. Authorities & partners are making frantic efforts to evacuate them. pic.twitter.com/I1wdWsbi6b

— OCHA Somalia (@OCHASom) November 5, 2023

Zyra e OKB-së për Koordinimin e Çështjeve Humanitare paralajmëroi për një rrezik të lartë të përmbytjeve përgjatë lumenjve Juba dhe Shabelle dhe bëri thirrje për evakuimin e njerëzve që jetojnë përgjatë gjithë shtrirjes së Juba.

This is Luuq Gedo Jubaland. People are in need of food, shelter, medical supplies etc.⁦@unicefsomalia⁩ ⁦⁦@UNSomalia⁩ ⁦@MoH_Somalia⁩ ⁦@MoECC_Somalia⁩ ⁦@FAOSomalia⁩ ⁦@UKinSomalia⁩ ⁦@US2SOMALIA⁩ ⁦@SomaliPM⁩ pic.twitter.com/uT5L1TuOHC

— DeqaJJ (@DeqaJJ) November 5, 2023

Në Keninë fqinje, Kryqi i Kuq i Kenias tha se numri i të vdekurve ishte rritur në 15 që nga fillimi i shirave të dendur të premten, me qytetin port të Mombasa-s dhe qarqet verilindore të Mandera dhe Wajir më të prekurit.

1/5
The El-Nino manifestation is real in Jubaland State, causing devastating floods. Gedo and Lower Juba regions are submerged, with severe damage to infrastructure. #JubalandFloods pic.twitter.com/ovIekFSfX8

— Hon. Abdirahman Dhiriq (@dhiriq61979) November 6, 2023

Që nga e diela, përmbytjet e shpejta kishin shkatërruar 241 hektarë tokë bujqësore dhe kishin vrarë 1,067 bagëti, njoftoi Kryqi i Kuq i Kenias.

Parashikuesit e motit në Kenia filluan të paralajmërojnë në shtator se shirat do të jenë më të dendur se zakonisht gjatë sezonit të shkurtër të shirave midis tetorit dhe dhjetorit. /Telegrafi/