Shifrat marramendëse që fituan Tyson dhe Paul pas meçit: ‘Iron Mike’ u pagua më shumë për vetëm në katër ndeshje në karrierën e tij

Mike Tyson (58-vjeçari) pësoi një disfatë të rëndë mëngjesin e sotëm në Teksas nga Jake Paul, një YouTuber 31 vjet më i ri, i cili është marrë seriozisht me boks në shtatë vitet e fundit dhe po ndërton me sukses një karrierë në këtë sport.

Spektakli i boksit i mbajtur në stadiumin AT&T në Teksas u transmetua nga Netflix dhe luftëtarët fituan para të mëdha për atë që treguan në ring.

Sipas TalkSport, Paul do të marrë 40 milionë euro për fitoren, ndërsa Tyson do të marrë gjysmën (20 milionë euro), por kjo është vetëm shifra bazë që është rënë dakord para ndeshjes.

Të dy boksierët do të marrin gjithashtu një pjesë të fitimeve të Netflix, të cilat ende nuk janë shpallur.

⚡The boxing match ended with Paul bowing to Tyson in respect.

58 year old Tyson to receive $20 million; 27 year old Paul to earn $40 million #PaulTyson pic.twitter.com/jbaJgpWdcP

— Cyprian, Is Nyakundi (@C_NyaKundiH) November 16, 2024

Është interesante se Tyson ka fituar më shumë para vetëm katër herë në karrierën e tij sesa nga lufta e sotme me YouTuber-in, dhe fitimet e tij më të mëdha ishin 90 milionë euro për ndeshjen kundër Lennox Leëis në vitin 2002.

Tyson fitoi 30 milionë euro në ndeshjet kundër Frank Brunos (1996) dhe në duelin e parë me Evander Holyfield në të njëjtin vit, dhe fitoi 20 milionë euro nga nokauti i Michael Spinks në vitin 1988.

Për Paul, kjo është padyshim fitimi më i madh në karrierën e tij, në të cilën tani ka 11 fitore dhe një humbje, ndërsa para ndeshjes me Tyson ka fituar 14 milionë euro nga boksi.

Lexo po ashtu Mike Tyson flet pas humbjes nga Jake Paul

‘Iron Mike’ tani është në një rekord të karrierës prej 50 fitore dhe 7 humbje, ndërsa Paul ka 11 fitore dhe një humbje.

Kujtojmë se Tyson u përball me falimentimin vetëm dhjetë vjet më parë, ndaj nuk ka dyshim se fitimet e mëngjesit të sotëm do të kenë shumë vlerë për të për vazhdimin e jetës së tij. /Telegrafi/