SHGM: Gazetarët duhet të kenë përgjegjësi më të madhe kur komunikojnë

Gazetarët kanë përgjegjësi shumë më të madhe para opinionit gjithmonë kur drejtohen, qoftë para mediave apo rrjeteve sociale, porositi sot Shoqata e Gazetarëve të Maqedonisë (SHGM).

“Prej atje publikimin e gazetarit Lupço Zlatev, të publikuar në rrjetin social Facebook ku thotë se prokurorja Fatime Fetai ‘Nuk do të mundet as të pijë nga pikëllimi, sepse atje në Bogovinë për pirje gratë i rrahin..’, mund të konsiderohet se nxit diskriminim dhe intolerancë mbi bazë të gjinisë dhe kombësisë, gjegjësisht përkatësisë etnike”, theksohet në kumtesën e SHGM-së.

Sipas Shoqatës, ky komunikim i papërshtatshëm nuk është në pajtim me Kodin etik të gazetarëve ku në nenin 10 thuhet: “Gazetari nuk duhet të krijojë as të përpunojë informacione që i kanosin të drejtat apo liritë e njeriut, nuk do të flasë me gjuhën e urrejtjes dhe nuk do të nxisë në dhunë dhe diskriminim në çfarëdo baze (kombëtare, fetare, racore, gjinore, sociale, gjuhësore, orientim seksual, politik…)./Telegrafi/