Shfrytëzonin fëmijët për të lypur, arrestohen pesë persona në Durrës

Policia e Durrësit ka proceduar penalisht 5 shtetas, të cilët shfrytëzonin për të lypur fëmijët e tyre të mitur. 

Raportohet se personat në fjalë ishin zhvendosur në mënyrë të organizuar, nga qyteti i Beratit, drejt Durrësit për të shfrytëzuar fëmijët e tyre për të lypur.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Keqtrajtimi i të miturit”.

Policia e Durrësit në reagimin e saj zyrtar apelon për prindërit dhe qytetarët që të mos shfrytëzojnë të miturit për veprimtari ekonomike të papërshtatshme me moshën e tyre, pasi përveç se përbën një paligjshmëri të dënueshme nga Kodi Penal, ky veprim dëmton dhe shëndetin psiko-emocional të fëmijës.

“Për rastet e konstatuara, janë referuar materialet në Prokurori ku ka nisur procedimi në gjendje të lirë për shtetasit A. B., Sh. K., A. B., R. B. dhe V. D., pasi nga verifikimet ka rezultuar se kishin ardhur në mënyrë të mënyrë të organizuar, nga qyteti i Beratit, për të shfrytëzuar për të lypur, fëmijët e tyre të moshave 4-7 vjeç”, njofton policia. /Telegrafi/