Sheshi i Prishtinës bëhet edhe me një monument (Foto)

Për nder të Ditës së Evropës sot në sheshin “Skënderbeu” është vendosur një instalacion me anë të së cilit rikujtohen të gjithë ata që kanë ndihmuar që Kosova të jetë e Evropës.

Ministri i Integrimeve, Bekim Çollaku, tha se Dita e Evropës ka marre kuptimin e vet pas arritjeve të fundit.

Ky instalacion, sipas tij le të jete një rikujtim për të gjithë ata që kanë qenë pjesë e përpjekjes për liri.

“Rruga që kemi përpara është ende e komplikuar, po tani qe kemi gjetur shtegun do të vazhdojmë sigurt drejt atij shteti”, tha Çollaku.

Në këtë aktivitetet kanë folur edhe aktivistë nga shoqëria civile dhe persona publik. /Telegrafi/