Sheikh Jassim ka piketuar tashmë 10 objektivat e transferimit të Manchester United

Sheikh Jassim nuk është konfirmuar si pronari i ri i Manchester United, por miliarderi ka miratuar tashmë 10 objektiva transferimi që ai dëshiron t’i shohë në Old Trafford në gusht.

Pronari i ri i klubit anglez ende nuk është konfirmuar, por kjo nuk e ka penguar sheikun, një nga favoritët së bashku me Sir Jim Ratcliffe, të identifikojë dhe miratojë 10 nënshkrime të reja të mundshme përpara afatit të verës.

Miliarderi i Katarit, si pjesa tjetër e tifozëve të United, është në pritje të vendimit përfundimtar pasi procesi i blerjes së klubit ka vazhduar të zvarritet.

Lexo po ashtu Kim Min-Jae u pyet nga televizioni korean se për cilin ekip do të luajë sezonin e ardhshëm

Është larg idealit për planet e transferimit të United, me afatin që do të hapet pas dy javësh.

Sipas El Pais, klubi po planifikon një nga afatet më të ngjeshura në histori të futbollit.

United ka një listë të ngushtë me 10 lojtarë që është miratuar nga pronari i tyre i mundshëm, i cili përfshin tre sulmues, tre mesfushorë, dy sulmues krahu dhe dy qendërmbrojtës.

Lexo po ashtu Bruno Fernandes jep komente që Cristiano Ronaldo i kish bërë muaj më parë për Man United

Para së gjithash, tre sulmuesit në fjalë nuk janë askush tjetër veçse Harry Kane, Victor Osimhen dhe Dusan Vlahovic.

Për sa i përket mesfushorëve, janë tre objektiva kryesorë në Adrien Rabiot, Frenkie de Jong dhe Alexis Mac Allister.

Lexo po ashtu Ten Hag i lutet Man Unitedit të blejë lojtarë më të mirë për të luftuar për titull

Pavarësisht se United ka tashmë Marcus Rashford dhe Alejandro Garnacho si opsione në krahun e majtë, duket se Sheikh Jassim dëshiron ta forcojë më tej atë anë, me dy objektivat kryesore që janë Khvicha Kvaratskhelia dhe Kingsley Coman.

Më në fund, objektivat e qendërmbrojtësve të United janë dy titanët: Ronald Araujo dhe Kim Min-jae. /Telegrafi/