Shefi i spiunëve të Kim Jong-Un për herë të parë shfaqet në publik, për këtë burrë lideri i tij ka detyrë të veçantë (Foto)

Shefi i ri i Shërbimit Sekret të Koresë së Veriut ka shoqëruar liderin e këtij vendi Kim Jong-Un, gjatë takimit me presidentin amerikan Donald Trump në zonën e demilitarizuar që ndanë dy Koretë.

Personi në fotografinë e publikuar nga një agjenci jugkoreane shihet duke qëndruar pranë zëvendësministrit të Punëve të Jashtme, Choe Son-hui, dhe është identifikuar si Jang Kum-chol që njëherit është shef i Departamentit të Frontit të Bashkuar (UFD), transmeton Telegrafi.

Kjo është hera e parë që Jang është parë në publik që kur mori postin e kryespiunit të UFD-së, të cilin deri në prill të këtij viti e mbante Kim Yong-chol.

Lexo po ashtu Zëdhënësja e Shtëpisë së Bardhë "shtyhet" nga truprojat e Kim Jong-Un (Video)

Kujtojmë se Kim Yong-chol ishte kryenegociatori i Koresë së Veriut në bisedimet me SHBA-të sa i përket programit të denuklearizimit, ku ishte takuar me Sekretarin amerikan të Shtetit, Mike Pompeo.

E zëvendësimi i tij kishte nxitur spekulime, se ai ishte konsideruar si personi i vetëm përgjegjës për dështimin e bisedimeve të shkurtit mes Kimit dhe Trumpit.

Megjithatë, Jang ishte njohur pak në botën e jashtme. Ai është rreth të 50-ve dhe karrierën e filloi në departamentin për shkëmbim mes dy Koreve.

Lexo po ashtu Një ditë pas takimit Trump-Kim, radari i jugkoreanëve regjistron objekt të paidentifikuar fluturues mbi zonën e demilitarizuar  

Emri i tij për herë të parë ishte përmendur nga mediat e Koresë së Veriut në prill të këtij viti, kur edhe u raportua se ishte caktuar si drejtor i Komitetit Qendror për të udhëhequr Partinë Punëtore të Koresë së Veriut (WRK).

UFD është agjenci e fuqishme e inteligjencës dhe krah i fortë i liderit suprem që merret ekskluzivisht me raportet me Korenë e Jugut dhe me SHBA-të.

E pasi që samiti i shkurtit kishte dështuar, ekspertët kishin paralajmëruar se ai mund të shkarkohet nga ai post. /Telegrafi/