Serbia po përjeton kolaps demografik, e dyta në botë për numrin e vdekjeve

Serbia është duke përjetuar një kolaps demografik, duke u renditur si vendi i dytë në botë për nga numri i vdekjeve.

Sipas raportimeve, në Serbi gjatë një viti janë 20 vdekje për 1,000 banorë.

Aty thuhet se në dekadën e fundit, numri zyrtar i banorëve në Serbi ka rënë për 535 mijë persona. Kumulativisht, numri zyrtar i banorëve të këtij vendi ka rënë për 7.7 për qind në periudhën e vëzhguar, pra me 0.7 për mesatarisht në vit.

Mediet serbe thonë se një nga arsyet kryesore për një rënie kaq të madhe të popullsisë është rritja natyrore negative.

Në periudhën e vëzhguar, shtimi kumulativ negativ natyror ka arritur në 468 mijë ose mesatarisht 43 mijë banorë në vit.

“Serbia është vendi i dytë në botë për sa i përket shkallës së vdekshmërisë në vitin 2021 me 20 vdekje për 1,000 banorë. Krahasuar me vendet e avancuara të ish-tranzicionit që ishin objekt i analizës, pra Polonia, Sllovakia dhe Republika Çeke, shkalla e vdekjeve në Serbi është 48 për qind më e lartë”, thekson raporti.

Kur bëhet fjalë për të sapolindurit, Serbia për këtë periudhë ishte në vendin e 19-të në botë për sa i përket nivelit më të ulët të natalitetit, pra 9.1 fëmijë të lindur për 1,000 banorë.

Meqenëse kapitali njerëzor është një faktor kyç në rritjen dhe zhvillimin ekonomik, nga kjo mund të shihet se Serbia deri tani rënien më të madhe të popullsisë përmes rritjes natyrore negative në njërën anë dhe shkallën më të ulët të rritjes ekonomike nga ana tjetër. /Telegrafi/