Sela: Faleminderit që vjen Haindl

Kryetari i LR-PDSH-së ka falemnderuar diplomatin Johannes Haindl dhe Republikën Federale të Gjermanisë për përkushtimin e tyre për zgjidhjen e krizës në Maqedoni, njofton Telegrafi Maqedoni.

Në një letër drejtuar Telegrafit në Maqedoni, Sela shkruan ”Jemi mirënjohës që Bundestagu gjerman shpreh vullnetin e mirë për të kontribuar në zgjidhjen e krizës politike që mundon Maqedoninë një kohë të gjatë. Emërimi i një diplomati me përvojë të jashtëzakonshme në krye të detyrës, tregon seriozitetin me të cilin Republika Federale e Gjermanisë i qaset zgjidhjes së krizës politike në Maqedoni, si shtet pretendent për anëtarësim në Bashkimin Europian dhe NATO.”

Sela diplomatit Haindl i ka drejtuar edhe disa pika për shqyrtim që çojnë drejtë zgjidhjes së krizës. Pikat e LR-PDSH janë:
”1. Reduktimin e njësive zgjedhore nga 6 në 1 njësi zgjedhore të vetme, me qëllim që vota e çdokujt të jetë e vlefshme.
2. Lista të hapura zgjedhore.
3. Riformatim të KSHZ-së me përfaqësues jopartiak dhe profesionist.
4. Shqyrtimin e 330.000 votuesve të dyshimt dhe shlyerjen e tyre.
5. Ligj të ri për mediat.
6. Shkarkimin e Komisioneve aktuale në vendvotime dhe emërimin e Komisioneve të reja, si dhe nxjerjen përpara përgjegjësisë të atyre që kanë qenë pjesëmarrës në falsifikimin e legjitimitetit gjatë proceseve të kaluara zgjedhore.” shkruan Sela./Telegrafi/

Gjithashtu lexo: Haindl mbërrin sot në Shkup