Sarri pas humbjes së finales: Lazio është në formë magjike

Maurzio Sarri është munduar ta arsyetojë dështimin e Juventusit në Superkupën e Italisë, duke thënë se Lazio është aktualisht në formë magjike.

Zonja e Vjetër u mposhtë 2-1 nga rivali i tyre italian, e që kjo është humbja e e dytë ndaj tyre brenda pak ditësh.

Sarri deklaroi se ata nuk mund ta mbajnë një ritëm të lartë shkaku që kanë çdo tri ditë takime.

“Ne qëndruam në lojë, por që kishim mungesë të energjisë dhe gjendjes jo të mirë fizike”, ka thënë fillimisht italiani.

“Kjo mund të ndodh pas tetë ndeshjeve që i kemi zhvilluar pothuajse çdo tri ditë. Ne ishim afër ta barazonim rezultatin, por ata shënuan edhe të tretin dhe motivi ynë ra”.

Lexo po ashtu Humbi finalen e Superkupës ndaj Lazios, e hoqi menjëherë medaljen nga qafa – Ronaldo madje nuk e zgjati as dorën

“Dje kishim stërvitje shumë të mira, që mendoj se ishin më të mirat deri më tani dhe menduam se ishim të gatshëm, por që treguam se nuk ishim të gatshëm dhe duhet bërë ndryshime nga ndeshja e radhës”, ka shtuar më tej Sarri.

Juventusi ishte kampion në fuqi, por tani Lazio e ka rrëmbyer trofeun e dytë më të rëndësishëm në Itali. /Telegrafi/